ក្រុម Slovan Bratislava vs. Young Boys នឹងជួបគ្នាសម្រាប់ការប្រកួតពាន Champions League ធ្វើឡើងនៅវេលាម៉ោង 1:3០នាទីយប់រំលងអាធ្រាត្រ ថ្ងៃទី22 កក្កដា 2021 នៅទឹកដីកីឡាដ្ឋាន Štadión Tehelné pole ។យប់ថ្ងៃពុធនេះ កីឡាដ្ឋានជាតិនៅក្នុងប្រទេសស្លូវ៉ាគី នឹងបើកទ្វារទទួលរៀបចំការប្រកួត Champions League ជម្រុះដណ្ដើមវគ្គចែកពូលរវាងក្រុម  Slovan Bratislava និង BSC Young Boys ហើយកាត់ក្ដីដោយលោកអាជ្ញាកណ្ដាល  Chris Kavanagh ។

ក្រុមម្ចាស់ផ្ទះបានឡើងមកកាន់វគ្គនេះ ក្រោយបានយកឈ្នះ 3-2 ក្នុងការប្រកួតពីរជើងទល់ក្រុម Shamrock Rovers ខណៈដែលក្រុម Young Boys បានឡើងមកកាន់ការប្រកួតនេះ ក្រោយជោគជ័យក្នុងការលេងនៅលីគកំពូលស្វីស Swiss Super League កាលពីរដូវកាលមុន។

អ្នកគាំទ្រប្រមាណ 1500 នាក់បានចូលរួមទស្សនាការប្រកួតនៅទឹកដី Tallaght Stadium ដើម្បីគាំទ្រក្រុម Shamrock Rovers ឲ្យក្រុមនេះវាយបកពីការប្រកួតចាញ់ 2-0 ក្នុងការប្រកួតជើងទី1 ទល់ក្រុម Slovan Bratislava កាលពីថ្ងៃទី13 កក្កដា ខណៈដែលក្រុមខ្លាំងមកពីលីគស្លូវ៉ាគីធ្វើដំណើរទៅកាន់ទឹកដីអៀរឡង់ជាមួយការនាំមុខយ៉ាងត្រចេះត្រចង់។

ចំណែកក្រុម Young Boys វិញ ស្ថិតក្រោមការដឹកនាំរបស់អតីតគ្រូបង្វឹកក្រុម Huddersfield Town លោក David Wagner ហើយក្រុមនេះមានលទ្ធផលចាញ់ ឈ្នះ ស្មើ សម្រាប់ការប្រកួតដើមរដូវកាលថ្មី ដែលការប្រកួតចុងក្រោយបំផុតរបស់ខ្លួនគឺលេងស្មើ 2-2 ទល់ក្រុម Strasbourg កាលពីថ្ងៃទី13 កក្កដា ។

ទាយជម្រើសកីឡាករ11នាក់ដំបូង៖
\r\nក្រុម Slovan Bratislava ៖ Chovan; Medvedev, Bozhikov, Kashia, De Marco; De Kamps, Kankava, Rabiu; Cavric, Ratao, Weiss
\r\nក្រុម Young Boys ៖ Von Ballmoos; Hefti, Camara, Zesiger, Garcia; Elia, Aebischer, Rieder, Ngamaleu; Mambimbi, Siebatcheu

ការបាត់បង់កីឡាករសំខាន់ដូចជា Lustenberger និង Nsame គឺពិតជារឿងសោកស្ដាយខ្លាំងសម្រាប់លោក Wagner ដោយពួកគេចាប់ផ្ដើមការប្រកួតជាមួយក្រុម Young Boys សម្រាប់កៅអីពានអឺរ៉ុប ប៉ុន្តែក្រុមខ្លាំងរបស់ស្វីសនៅតែមានប្រៀបខ្លាំងជាងក្រុមមកពីលីគស្លូវ៉ាគី ខណៈដែលពួកគេចង់នាំមុខមុនការប្រកួតជើងទី2 នាសប្ដាហ៍ក្រោយ៕

ទាយ៖ Slovan Bratislava 0-2 Young Boys
\r\nប្រភព៖ Sportsmole