ក្លឹបគូប្រជែងនៅលីគ Premier League គឺ Manchester United និង Liverpool ត្រូវបានគេរាយការណ៏ថាកំពុងបង្ហាញការចាប់អារម្មណ៏របស់ខ្លួនទៅលើកីឡាករ Saul Niguez របស់ Atletico Madrid ។កីឡាករវ័យ26ឆ្នាំរូបនេះ បានក្លាយជាកីឡាករដែលមិនសំខាន់សម្រាប់លោកគ្រូបង្វឹក Diego Simeone ទៀតហើយ ក្រោយការចុះកុងត្រាយកកីឡាករ Rodrigo De Paul ពីក្លឹប Udinese ដូច្នេះក្លឹបម្ចាស់ជើងឯកលីគ La Liga នេះ ព្រមឲ្យកីឡាករអេស្ប៉ាញរូបនេះចាកចេញទៅរកក្លឹបថ្មីទៀតហើយ។
\r\n\r\n\r\n\r\n
Barcelona កំពុងតែក្លាយជាក្លឹបនាំមុខគេក្នុងការអាចចុះកុងត្រាយកកីឡាកររូបនេះ ដោយពួកគេបានចូលចរចារជាផ្លូវការជាមួយ Atletico អំពីការផ្លាស់ប្ដូរគ្នារវាង Saul និង Antoine Griezmann ។ទោះបីជាយ៉ាងណា បើយោងតាមកាសែត AS បានឲ្យដឹងថាក្លឹប Man Utd និង Liverpool កំពុងរងចាំនៅសងខាងផងដែរក្នុងការឆក់យកកីឡាករខ្សែបម្រើរូបនេះ បើសិនក្លឹប Barca បរាជ័យក្នុងការចុះកុងត្រាយក ដោយក្នុងពេលនេះភ្នាក់ងាររបស់សាមីខ្លួនគេបានធ្វើការពិភាក្សាជាមួយក្លឹបទាំងពីរផងដែរ។
\r\n\r\n\r\n\r\n
ទោះបីនៅមានកុងត្រារយៈពេល5ឆ្នាំនៅក្លឹបក្ដី Saul ត្រូវបានក្លឹប Atletico ដាក់តម្លៃខ្លួនលក់ត្រឹមតែ 34.3លានផោនប៉ុណ្ណោះ ជាតម្លៃមួយដែលក្លឹបអង់គ្លេសមានលទ្ធភាព និងយល់ព្រមក្នុងការបង់ប្រាក់ប៉ុណ្ណឹង។ចាប់តាំងពីបានបង្ហាញខ្លួននៅក្រុមឈុតធំកាលពីខែមិនា ឆ្នាំ2012 Saul បានបង្ហាញខ្លួន337ប្រកួតសម្រាប់ Atletico ស៊ុតបញ្ចូលទី43គ្រាប់ និងបង្កើតឳកាស19ដងដល់មិត្តរួមក្រុម៕
\r\n\r\n\r\n\r\n
ប្រភព៖ Sportsmole
By: Admin1
រក្សាសិទ្ធិគ្រប់យ៉ាងដោយ©2025 VPLAY24.COM