កីឡាករ Jack Grealish ប្រធានក្រុមរបស់ក្លឹប Aston Villa ត្រូវបានគេរាយការណ៏ថាកំពុងតែសម្រេចចិត្តសារជាថ្មីអំពីសំណើរក្នុងការផ្ទេរទៅកាន់ក្រុម Manchester City ។កីឡាករសញ្ជាតិអង់គ្លេសរូបនេះត្រូវបានគេមើលឃើញថានឹងផ្ទេរទៅកាន់ក្រុម Man City ឬ Man Utd កាលពីឆ្នាំមុន ប៉ុន្តែគេបានសម្រេចចិត្តក្នុងការបន្តដំណើរនៅក្នុងក្រុម Aston Villa បន្តទៀតរហូតដល់ឆ្នាំ2025 ។
\r\n\r\n\r\n\r\n
ទោះបីជាយ៉ាងណាក្ដី ក្រុម Man City ត្រូវបានគេរាយការណ៏ថានៅតែតាមចង់បានកីឡាកររូបនេះដដែល ក្រោយក្រុមបិសាចក្រហម Man United បានចុះកុងត្រាយក Jadon Sancho រួចមក ហើយសេចក្ដីរាយការណ៏កាលពីពេលថ្មីៗនេះ បានបង្ហាញថាក្រុមលោក Pep Guardiola នឹងត្រៀមប្រាក់90លានផោនសម្រាប់ទិញ Grealish ។
\r\n\r\n\r\n\r\n
កីឡាករវ័យ25ឆ្នាំរូបនេះ ត្រូវបានគេដឹងដែរថាចង់ផ្ទេរទៅលេងក្រោមការដឹកនាំរបស់លោក Guardiola ប៉ុន្តែកាសែត talkSport បានផ្សាយថាគេបានសម្រេចចិត្តម្ដងទៀតអំពីការផ្ទេរនេះ។ កាសែតដដែលបន្តថា Grealish អាចនឹងបន្តកុងត្រាថ្មីទៀតនៅក្នុងក្រុម Aston Villa ដែលគេបានស៊ុតបញ្ចូលទី32គ្រាប់ និងបង្កើតឳកាសគ្រាប់បាល់ឲ្យមិត្តរួមក្រុមបាន43ដងទៀត ក្នុងការបង្ហាញខ្លួន213ប្រកួត៕
\r\n\r\nប្រភព៖ Sportsmole
By: Admin1
រក្សាសិទ្ធិគ្រប់យ៉ាងដោយ©2025 VPLAY24.COM